Lög félagsins

Félag eldri borgara í Hafnarfirði (skammstafað FEBH).

1.mgr. Heimili þess og varnarþing er í Hafnarfirði.
2.mgr. Félagið er óháð stjórnmálum og hlutlaust í trúmálum.

Að gæta hagsmuna og réttinda eldra fólks og gera þeim kleift að vera virk í samfélaginu og hafa áhrif á umhverfi sitt og stuðla að:
Fræðslu, skemmtana og menningarlífi félaga.
Heilsueflingu, með virkri þátttöku í líkamsrækt, hreyfingu og
skapandi handverksgreinum.

Lögð er áhersla á sjálfsprottið hópastarf félagsfólks.

1.mgr. Rétt til þess að gerast félagi eiga þau sem náð hafa 60 ára aldri eða eftirlaunaaldri hafi þau náð honum fyrr og einnig makar þeirra þó yngriséu.

2. mgr. Einstaklingar, félög, fyrirtæki og stofnanir geta orðið styrktaraðilar og samstarfsaðilar.

3. mgr. Félagsgjald skal ákveða á hverjum aðalfundi fyrir komandi almanaksár og því má aðeins breyta á aðalfundi.
Þau, sem ganga í félagið greiða innskráningargjald við inngöngu, sem jafngildir upphæð félagsgjalds yfirstandandi árs. Félagar 90 ára og eldri greiða ekki félagsgjöld.

4. mgr. Þau sem sinna trúnaðarstörfum fyrir félagið skulu vera fullgildir félagar í Félagi eldri borgara í Hafnarfirði.

1. mgr.Stjórn félagsins skal skipuð 7 mönnum sem kosnir eru á aðalfundi félagsins samkvæmt eftirfarandi reglum: Formaður skal kosinn til eins árs í senn. Meðstjórnendur skulu kosnir þrír i einu til tveggja ára og gangi árlega þrír úr stjórninni á víxl.
2. mgr. Á aðalfundi skal kjósa til eins árs í senn, tvo menn i varastjórn, tvo endurskoðendur og einn til vara.

1. mgr. Formaður er forsvarsmaður félagsins. Hann kallar saman stjórnarfundi og stjórnar þeim og boðar til félagsfunda eftir ákvörðun félagsstjórnar. Varaformaður er staðgengill formanns.
2. mgr. Fundum skal stjórnað samkvæmt fundarsköpum félagsins.
3. mgr. Á fyrsta fundi eftir aðalfund skiptir stjórnin með sér verkum þannig að í aðalstjórn séu kosnir varaformaður, gjaldkeri og ritari.
4. mgr. Ritari heldur gerðabók og færir í hana ágrip af því sem á fundum gerist og allar ályktanir funda. Einnig ferðir og aðrar athafnir félagsins.
5. mgr. Gjaldkeri hefur yfirumsjón með öllum fjárreiðum félagsins, þar á meðal  innheimtu félagsgjalda og greiðslu reikninga. Hann skal fyrir aðalfund ár hvert gera eða láta gera reikningsyfirlit um hag félagsins og sjá til þess að ársreikningur sé endurskoðaður. Enn fremur skal gjaldkeri félagsins skila reikningsyfirliti fyrir þær nefndir sem hafa með einhverja fjármuni að gera og skulu viðkomandi nefndir skila honum reikningsyfirlitum eigi síðar en mánuði fyrir aðalfund. Gjaldkeri skal eigi sjaldnar en á þriggja mánaða fresti gefa stjórn bráðabirgða yfirlit yfir stöðu félagssjóðs.
6. mgr. Innan stjórnar er heimilt að skipa starfshópa og þá með samþykki allra stjórnarmanna. Nefndum og starfshópum skal setja erindisbréf á fyrsta fundi þeirra með formanni eftir aðalfund.
7. mgr. Reikningsár félagsins er almanaksárið.

1. mgr. Aðalfundur hefur æðsta vald i málefnum félagsins. Aðalfund skal halda fyrir 1. apríl ár hvert og skal boða til hans með auglýsingu á samfélagsmiðlum með minnst viku fyrirvara.
2. mgr. Lögum félagsins má aðeins breyta á aðalfundi og þarf tvo þriðju hluta atkvæða til, enda hafi tillagna um breytingar á lögum verið getið í fundarboði og þær legið frammi í aðsetri félagsins eigi skemur en í eina viku fyrir aðalfund.
3. mgr. Að öðru leiti ræður einfaldur meirihluti atkvæða úrslitum mála á aðalfundi.

1. mgr. Skýrsla formanns.
2. mgr. Lagðir fram endurskoðaðir reikningar félagsins og sérsjóða þess fyrir síðastliðið ár.
3. mgr. Kosin stjórn, varastjórn og endurskoðendur skv. ákv. 5. greinar.
4. mgr. Kosning eigi færri en 3 félaga í nefndir félagsins sbr 9. gr. , sem velja sér sjálfar tengilið.
5. mgr. Aðalfundi ber að greiða atkvæði um stofnun nýrrar nefndar á vegum félagsins.
6. mgr. Kosning um lagabreytingar.
7. mgr.Önnur mál.

1. mgr. Nefndir félagsins eru bundnar af lögum þess og samþykktum stjórnar hverju sinni. Stjórn félagsins gefur út skrá yfir nefndir félagsins og klúbba ásamt tengiliðum. Félagsmönnum FEBH er heimilt að stofna nefndir um afmörkuð tómstundaverkefni félaga, en tilkynna skal um nefndina til stjórnar félagsins til staðfestingar og samþykktar. Staðfestar nefndir, verða ekki lagðar niður nema samkvæmt ákvörðun aðalfundar.
2. mgr. Stjórn félagsins skal boða tengiliði nefnda til sameiginlegra funda eigi sjaldnar en tvisvar á ári.

1. mgr. Stjórn ákveður félagsfundi og skulu þeir haldnir svo oft sem þurfa þykir.
2. mgr. Ef minnst 5% fullgildra félaga óska þess skriflega og tilgreina fundarefni skal boða til félagsfundar innan tíu daga frá móttöku beiðninnar.
3. mgr. Til félagsfunda skal boða með minnst viku fyrirvara með auglýsingum á samfélagsmiðlun.

1. mgr.Félag eldri borgara í Hafnarfirði er aðili að Landsambandi eldri borgara.

Komi til úrsagnar úr landsambandinu skal stjórn FEBH halda félagsfund um úrsögnina og ræður meirihluti atkvæða úrslitum.

1.mgr.Nú kemur fram tillaga um að félaginu sé slitið. Skal hún þá sæta sömu meðferð og tillaga um breytingar á lögum, bæði í fundarboði og afgreiðslu á aðalfundi. Við slit félagsins skulu eignir þess renna til almennra hagsmunamála eldra fólks í Hafnarfirði.

1. mgr. Lög þessi öðlast gildi á aðalfundi 27. mars 2025.